[有片]STORE DOT開發納米電池 30秒內叉滿S4

手機、相機、平板、閃光燈……樣樣都要叉電, 插完都未完事, 之後仲要得閒睇吓佢幾時叉滿, 費事佢叉耐咗、會好快死電! 以色列有間叫STORE DOT嘅公司, 發明咗一款非常強橫嘅電池, 可以在30秒內叉滿一部GALAXY S4!!! 唔止有相, 全程仲有YouTube片放上網!


披露環境, 係喺一個由Microsoft開辦嘅「Think Next 2014」, 好多人一聽到呢項技術, 就好擔心會唔會縮短S4舊電池嘅壽命! 留意! 唔係你手上部S4嘅舊鋰電池! 而係以生物科技技術–Bio-organic Nano Crystal製作嘅新電池, 佢嘅粒子排列, 緊密度只有 2 Nanometers, 特性除咗係可以快叉之外, 同體積電池情況下, 佢仲可以儲存更高電量! 據稱呢項納米技術, 仲應用咗喺顯示屏、記憶體同影像Sensor之上; 顯示屏方面, 會好似OLED咁, 好色、好光、透明(Transparent)、紙咁薄, 最重要係比現時顯示屏嘅能源效益增高80%; 至於用喺記憶體, 會比現時一般Flash Memory快三倍; 用於影像Sensor, 靈敏度更會高5倍。