[趣文]fb貼新戲照遭檢舉 阿澤反擊：這不是色情，這叫做豪情

內容及圖片轉至http://s.nextmedia.com/realtime/a.php?i=20140227&s=7018882&a=52230685

按圖可放大

杜汶澤同一班日本AV女優肉搏連場嘅新戲《豪情3D》，已經煞科，而阿澤日前飛到東京拍電影海報，同班AV女優包括42L上圍﹑有「人類最強Body」美譽嘅AV女沖田杏梨、35D葵司及夕樹舞子等再續前緣，電影公司仲邀請攝影師夏永康操刀。

有幾張照片亦率先曝光，其中一張係阿澤攬住背部全裸嘅AV女優，而阿澤亦有喺facebook貼《豪情3D》照，點知遭人檢舉佢啲相片涉及裸露及色情，令阿澤禁不住喺fb反擊：「這不是色情，這叫做豪情！」唔少粉絲及網民都紛紛留言撐阿澤；另一張阿澤用手指遮住AV女優胸部，但仍然遭檢舉喎，阿澤就發火：「遮住曬都唔得？着羽絨影好無？」

之後阿澤繼續貼《豪》照片，仲話：「你可以不停檢舉我d相，但係如果你以為咁做可以令我失敗，咁你太天真喇！因為暗箭易放，豪情難擋！」

最搞笑係有人連阿澤黑白學生相都話要檢舉喎，阿澤就話：「呢張都檢舉？哦。」最後阿澤索性放番嗰張攬住背部全裸嘅AV女優照，仲話：「既然有人無理不停檢舉，咁我放番呢張啦。」

及後阿澤轉貼本報即時新聞，然後再留言話：「今日明明係閒日，又唔係假期，你條粉腸都可以全日不停檢舉我，証明你都幾得閒，唔使做，勸你快d去搵份工打，正正經經做人...... 除非你做緊野，你嘅工作範圍係要搞X我，咁就無得好講。」